ALEIXANDRE,
Marilar
Madrid,
1947
Naceu en Madrid, producto dunha mestura de avóas e avós
andaluces, valencianos e madrileños, e vive en Galicia
dende 1973, primeiro en Vigo, e agora na Amaía. Doutora
en Bioloxía. Catedrática de Ciencias Naturais de
Ensino Medio. Profesora de Didáctica das Ciencias e Educación
Ambiental na Universidade de Santiago de Compostela. Colaboradora
das revistas Nó, Luzes de Galiza e Festa da palabra silenciada.
Alterna a literatura xuvenil coa narrativa para persoas adultas.
Tamén é autora de numerosas obras sobre o ensino
das Ciencias. Como creadora ten publicado: A formiga coxa (colección
"Merlín", Xerais 1989), novela xuvenil; O rescate do peneireiro
(colección "Merlín", Xerais 1990), novela xuvenil;
"Neve na Amaía", en Os contos da campaña (Santiago,
Consellería de Cultura, Xunta de Galicia, 1992); Tránsito
dos gramáticos (colección "Narrativa", Xerais 1993),
novela; Nogard (Alfaguara-Obradoiro, 1994), novela xuvenil; A
expedición do pacífico (colección "Merlín",
Xerais 1994), Premio Merlín e Premio da Crítica
á creación literaria en galego en 1995, sendo a
primeira vez que recae nun libro xuvenil e nunha muller; "A verdadeira
historia do rato de biblioteca", en Contos da travesía
(Santiago, Biblioteca Nova 33, 1995); Lobos nas illas (colección
"Narrativa", Xerais 1996), relatos; "Agardando polos morcegos",
conto incluído no volume Antoloxía do conto galego
de medo (1996); O trasno de alqueidón (colección
"Merlín", Xerais 1996), contos infantís, Premio
Rañolas ó mellor libro infantil do ano; A compañía
clandestina de contrapublicidade (1997), novela, Premio Álvaro
Cunqueiro 1997; O monstro da chuvia (1998), conto. Traduciu do
inglés para o galego A caza do carbairán de Lewis
Carroll (colección "Xabarín", Xerais 1996) e o poemario
Muller ceiba de Sandra Cisneros (colección "Ablativo Absoluto",
Xerais 1997).
Volver
a autores
|
