Aproveitando que o máis antigo documento onde se reflexa o topónimo de Terra de Soneira data do ano 899, un dos máximos estudiosos da historia da Costa da Morte, como é Xosé Mª Lema Suarez, auspicia a celebración deste evento que organiza a asociación supramunicipal Neria.

Xosé Mª Lema, dalle a esta xuntanza un caracter de antemán riguroso, xa que ese bo facer teno demostrado en obras como o Arciprestazgo de Soneira e outros, e tamén na corrección deste Web Costa da Morte que vostede está a visitar. De seguro que dará moito de si este evento, do cal vostedes poderán estar informados con asiduidade si visitan este espacio.

As ponencias que se teñen previstas, tratarán desde como se realizaba a asistencia hospitalaria os peregrinos que camiñaban cara Fisterra, ou como evolucionou á paisaxe, do nacimento das comarcas de Nemancos, Soneira e Bergantiños, a onde chegou a revolta irmandiña na Costa da Morte, o arte, a situacion económica, etc.

En fin, uns dias nos que percorreremos a Costa da Morte de Norte a Sur e de Este a Oeste, desde o seculo IX ata o día de hoxe. De seguro que os 18 Euros que costa a subcripción serán ben invertidos, tendo en conta que as máis de quince ponencias que imos ter a posibilidade de escoitar, farán do pabellón de deportes de Baio, unha máquina de viaxar no tempo sen sair da Costa da Morte.

Non so van a ser ponencias, sinón que tamén haberá a posibilidade de escoitar recitais poéticos, realizar excursións, e incluso analisar como se realizaba a caza da balea nas nosas costas, tendo en conta que eran moitos os portos baleeiros os existentes, e que incluso algúns dos portos pesqueiros actuais deben a sua existencia a este fenómeno.

Pois ben, nunca a Costa da Morte tivo tanta aglutinación de congresos, simposios e actividades culturais varias, e nunca ninguen tivo a posibilidade de saber deles en calquera curruncho do mundo, como ten hoxe gracias ó Web costa da Morte, que lle ofrece información puntual sobre o Congeso de Semiótica, o Congreso Internacional de Asociacións Xacobeas, o Simposio Pondaliano, e agora o Simposio de Historia da Costa da Morte. Pero non nos quedaremos aquí, xa que en breve terán oportunidade de saber máis sobre as vindeiras edicións da Aula da Arte de Verán de Malpica, da Mostra da Olería de Buño, da Festa da Carballeira de Zas, e dos múltiples eventos que se están a organizar nestes intres na nosa fermosa zona, para que vostede poida gozar dun verán entre nós, con algo máis que sol e praia.

NA COSTA DA MORTE HAI MOITO QUE VER, MOITO QUE ESCOITAR, MOITO QUE DECIR...

Lugares	Natureza	Lecer	Contos	Pousada	Economía

Feito da man de Abertal Información : costadamorte@finisterrae.com