O MAR DE MUXIA LÉVASE Á TRIPULACIÓN DO 'PANCHITO'.

Catro mariñeiros afogados e un desaparecido no naufraxio do pesqueiro 'Panchito', co base en Laxe.

Información ofrecida por Radio Nordés-Cadena Ser

Polo momento, o operativo de búsqueda conseguíu recuperar o corpo de catro dos tripulantes da embarcación. Tratase de Eduardo Cousillas Devesa, patrón e armador do barco, o seu fillo Eduardo Cousillas Villar, Xosé Manuel Fariña Lema e o seu sobriño Pedro Fariña Cundíns. De momento non se puido localizar o corpo do quinto tripulante, Germán Suena Fondo, que se cre esté no fondo enmarañado nos trasmallos.

O sinistro produciase a primeiras horas do Luns 20, cando o 'Panchito', unha embarcación de 19 toneladas e 16 metros de eslora, con punto de amarre en Laxe, faenaba na zona conocida como Enseada do Cuño, próxima ó Cabo de Touriñán, no municipio de Muxía. As causas que se apuntan desde Salvamento Marítimo inciden na posibilidade de que fora un golpe de mar o causante do naufraxio, xa que había ventos de forza seis e ondas de mar de fondo de ata tres metros, ainda que as causas que os mariñeiros da zona baralljan, e eles son os verdadeiros coñecedores do mar, son de que o pesqueiro tocase algún fondo, xa que a zona non tiña moito calado e no casco do barco hai indicios de que puidese ter tocado e algunha rocha.

Dous helicópteros, o 'Helimer' e o 'Costa 1', están realizando as tarefas de rastreo aéreo, mentras que son catro as embarcacións encargadas de acercar os buzos ás inmediacións do casco do barco: tratase da 'Serra do Barbanza', a 'Ría de Vigo', a 'Salvamar Atlántico' e a 'Taín' da Cruz Vermella de Laxe. O operativo terrestre está integrado por efectivos da Guardia Civil, de Protección Civil e da Cruz Vermella de Laxe.

NA COSTA DA MORTE HAI MOITO QUE VER!!!

visite os nosos anunciantes

Para subscribirse ao boletín de  finisterrae.com:
boletín@finisterrae.com