Catalogo de este oleiro de Buño

Congreso de asociacións xacobeasCongreso de Asociacións Xacobeas.
Urbano Lugrís, pintor do mar.Visite o especial sobre Urbano Lugrís
Olería de BuñoAquí pode gañar unha viradeira.
- Nº 82
 
 

XVI MOSTRA DA OLERIA DE BUÑO.
 Do 7 ó 15 de agosto Bergantiños acolle unha das citas máis importantes da oleria.
Información ofrecida polo Equipo Organizador

Do 7 ó 15 de agosto celébrase a XVI Mostra da Olería de Buño, collendo dúas fins de semana e un festivo. A afluencia de turistas nesta época do ano, xunto coas distintas celebracións festivas no entorno, semellan razóns de peso para elexir de novo estas datas como máis idóneas para garantir unha afluencia de visitantes significativa.
O número de persoas que se achegan a este evento ronda as vinte mil. As vendas na carpa serán por parte de dez stands de tendas e oleiros e oleiras.
Con motivo da mostra editouse unha postal dun cadro de Sotomayor que recrea a un oleiro de Buño ("Joselón") de mediados de século no seu alfar. Patrocinada por CASA ELIAS  

A exposición, nas diversas salas da Casa do Oleiro, amosará o tradicional e as novas propostas desta olería, en total, arredor de vinte artesáns. Por primeira vez, os veciños de Buño poderán ver o novo stand da Asociación Oleira de Buño e que xa pasearon por Madrid ou Silleda, con grande aceptación. Vinteún metros adicados a estanterías, mostrador e alfar. Nel, durante todo o evento, irán traballando (non só o torno, senón facendo diversas funcións que realiza habitualmente un oleiro no seu obradoiro) os diferentes artesáns que participan na MOSTRA. O stand estará ubicado na carpa de vendas para dar información, facer exhibicións, contactos con posibles clientes, etc.

Como actos paralelos aparte de insistir en actividades de enorme aceptación coma o "Obradoiro de barro para xoves", "Ruada de Bergantiños" ou as exhibicións de grupos de música e danza tradicional de tódolos días e que a MOSTRA sempre apoiou, están o Conxunto Etnográfico do "Forno do Forte", singular enclave patrimonial no casco urbano da localidade, único referente activo desta ancestral artesanía e a recuperación da queimada popular coincidindo co concerto folk do día 13 de agosto (Leliadoura, Ramo Cativo e Vaivén)

 

Novas do 1997

 

visite os nosos anunciantes

Non esqueza consultar a Libreria Trazos para calquera obra que precise sobre a oleria, sobre Galicia ou sobre as últimas novidades do libro.

Celébrase a 3ª Edición do concerto INDEPENDENTE de Malpica.

A.C. Tralla quere ofrecer un conceto xove, diferente, no que dar acollida ós diferentes estilos musicais que se están a facer na nosa terra. Partindo do folk tradicional de Desúpeto Folk e do folk rock dos Papaqueixos, pasando polo rock tralleiro de Anacrusa, e rematando co espectáculo garantizado do rock dos Diplomáticos de Monte Alto. A A.C. Tralla convida a disfrutar do concerto e do contorno (o peirao do porto de Malpica) no que se vai celebrar o vindeiro sábado día 3 de xullo.

A pataca nova vén con forza e a sardiña camiña cara ás nubes

A chegada das primeiras patacas novas xa hai tempo que se deixou sentir no mercado local. A celebración das cachelas de San Xohán fai que o seu complemento ideal, a sardiña (para a sardiñada preparada en cachelos) se cotice por ducias nos prezos máis altos do ano. Estas festas son das máis propias para o consumo de dous dos productos máis emblemáticos de Bergantiños, ambos con un problema común: non hai producción abondo para cubrir unha maior demanda.

 
Para subscribirse ao boletín de  finisterrae.com:
boletín@finisterrae.com
Lugares
Natureza
Lecer
Contos
Pousada
Economía
Feito da man de Abertal
Información : costadamorte@finisterrae.com