 O
camiño de Santiago a Fisterra. |
|
- Nº 98
|
|
- Nº 98
|
|
A
Costa da Morte solicitará o Día das Letras Galegas para
Labarta Pose. Información
ofrecida por
Radio Nordés
Desde o pasado mes de agosto, un grupo de particulares e asociacións de Baio (Zas) traballan co obxectivo de acadar que a Real Academia Galega lle adique o Día das Letras Galegas á figura do escritor soneirán Henrique Labarta Pose (1863-1925). A Comisión Labarta Pose agarda implicar nesta iniciativa a todo o eido político, social e cultural de toda Costa da Morte. Segundo o seu voceiro, Jorge Mira, este ano, coa concesión do 17 de maio a Roberto Blanco Torres, a Real Academia Galega amosou a súa sensibilidade ás propostas dos colectivos, no que calificou coma 'unha socialización do proceso de elección'. Por iso, a Comisión entregaralle á Academia un dossier dividido en tres partes, sobre a figura de Labarta. Na primeira recóllese a súa obra literaria; a segunda incluirá as cartas de adhesión á proposta de concellos e asociacións; e na terceira constarán os actos de homenaxe dedicados a Labarta Pose en toda a bisbarra. Para Jorge Mira, a Comisión tan só recolleu unha iniciativa que estaba no aire. O primeiro ente en mostrar o seu apoio á proposta foi a asociación Neria. A Comisión comezou xa a traslada-la súa petición a tódolos concellos e entidades da bisbarra. NA COSTA DA MORTE HAI MOITO QUE VER!!!
|
|
|||||||||||||
|
Para
subscribirse ao boletín de finisterrae.com:
|
