O bloqueo ó que desde o pasado luns se estan vendo sometidos os matadoiros da Costa da Morte, ven de provocar que a día de hoxe, as carnicerías da bisbarra non poidan ofertar carne de vacún nos seus mostradores.

Os matadoiros están a ser bloqueados por tratantes de gando de varias asociacións sindicais, molestos e en protesta contra da taxa coñecida coma MER, que obrigaría a descontar duas mil pesetas por animal a estes tratantes, para así afrontar a eliminación das partes blandas dos animais, de cara á disminución do risco de transmisión da Encefalopatía Esponxiforme Bovina, ou 'mal das vacas tolas'.

A eliminación destes residuos (médula, cabeza e ilíaca do animal) conlevaría o gasto das duas mil pesetas. Polo de agora as tres partes en conflicto so se reuniron en duas ocasións, a última o pasado xoves, co resultado dun preacordo que de todolos xeitos non paralizará os bloqueos. Así as cousas, a carne de tenreira remátase, e no caso de que nalgunha carnicería se poidera atopar vacún, esta carne levaría máis de oito días nas cámaras frigoríficas, ou viría de animais que non foron sacrificados cos pertinentes controis sanitarios, o que desaconsella a sua compra. A situación podería dilatarse no tempo, a vista da escasa proximidade das posturas de tratantes, matadoiros e administración.