Un buque gaseiro alxeriano, ven de meterlle o medo no corpo ós veciños da zona de Muxía, cando a tripulación perdeu o control da nave, ó longo da noite do xoves día 25.

O mercante, chegou a situarse a menos de duas millas da costa, e de non ser pola actuación de varios remolcadores, podería ter barado preto de Muxía, co perigro que supoñería calquera fuga do gas que portaba, que supoñería un dos maiores desastres dos últimos tempos, si chegara a estoupar.

Xa ás cinco da mañá desta noite, os remolcadores e a reparación da avaría que sufría a nave, fixeron posible que esta recuperase o rumbo, e a esta hora continua viaxe cara Francia, o seu destino final, aínda que a noite foi, coma dicimos, realmente movida.

Alberto Blanco, alcalde de Muxía, afirmaba esta mañá que na súa opinión, a embarcación estivo moito máis cerca do que se informou dende salvamento marítimo.

O mercante, con bandeira alxeriana, e de nome Ramdane Abane, era tripulado por 44 persoas, que en ningún momento abandonaron a nave. No gaseiro transportábanse máis de 55.000 toneladas de gases licuados, en dirección a Francia, cando, na tarde de onte, se producíu unha avaría que o deixou sen goberno, a vinte millas da costa.

Este incidente fainos pensar en que cada vez pasan máis barcos deste tipo preto das nosas costas, debido ó auxe que está a ter o consumo de gas natural en Europa, que na súa maioría provén de Alxeria. Tendo en conta que son auténticas bombas de reloxería flotando no mar, ao mellor deberíamonos de plantexar que as rutas destas embarcacións se alonxasen máis da costa.

O mellor de todo foi o resultado, debido segundo parece á destreza das equipas que interviron na operación de rescate.

QUERES FORMAR PARTE DE finisterrae.com? · Si sabes de que vai a rede. · Si tes ganas de gañar cartos. · Si queres aprender aínda máis. · Si eres da Costa da Morte. · Si lle queres á Costa da Morte. · Si queres formar parte dunha das empresas lideres na Internet en Galicia. Chámanos: 981 757 815 info@finisterrae.com Precisamos xente coma ti ;-)