Ponte do Porto. Xosé Manuel Lema. 
 
Hai varias décadas gran parte do litoral galego estaba poboado coa popular camariña, que enriquecia a beleza paisaxística do noso territorio ata que a planta iniciou un período de declive que se prolongou ata hoxendia, cunha presencia anecdótica. Nestes momentos quedan exemplares en Area do Trece, Camariñas e nalguns reductos das costas galegas e portuguesas. 

A Corema Album, que ten o seu hábitat nos lugares recónditos e de difícil accesibilidade, dá nos meses de agosto e setembro un froito redondo, semellante a unha pérola, de sabor doce e cor branca que escurece segundo vai amadurecendo. Ata hai 25 anos comercializábase este sabedor froito polas feiras e mercados do concello da vila dos encaixes. 

Na actualidade o vexetal atópase en vias de extención, no que tivo moito que ver a limpeza dos montes que atacou o seu carácter salvaxe. 

Desde o concello de Camariñas tentouse criar esta especie, sen resultado. De feito a planta da camariña forma parte do escudo municipal. 

Agora, e logo de seis meses de investigacións, varios membros do colectivo ecoloxista P.X. anunciaron que a camariña se pode criar en viveiro, e indicaron que xa sacaron adiante 200 exemplares en pequenos tarros misturados con area e terra. 

Os naturalistas tamén experimentaron coa semente en xardins, e cren que poderán criar 5.000 plantas a curto prazo, o que permitiria repoboar antigas colonias como A Pedrosa ou a Praia de Xaviña. 

Asemade os ecoloxistas consideran que deste xeito a camariña está salvada da sua desaparición e agardan poder facer un plano de rexeneración de vellos camariñais. 

Outros datos que tamén teñen en conta é o da elaboración dun licor de Caramiña, tal e como se fai en Portugal, que podia ser un aliciente turístico máis para esta zona atlántica.