Información ofrecida por Radio Nordés

Balanzo positivo e optimista o que os mariñeiros muxiáns fixeron da reunión mantida este fin de semana cos representantes da Consellería de Pesca, para coñece-las posibles solucións á crise que está a vivir o sector do palangre. Unha vez confirmada a complicación de que o Goberno central conceda o cambio de arte, dende a Consellería asegúrase que se buscarán solucións individualizadas.

Unha comisión de técnicos de Pesca achegarase a partir da vindeira semana a Muxía para coñecer, in situ, as características dos catorce barcos que compoñen a flota plangreira e buscar, segundo afirman, saídas de futuro para cada un deles. Pesca asegura que é imposible atopar unha única solución para toda a flota, que pasaría pola pesca do peixe espada. Entre as posibilidades baralladas na xuntanza, os palangreiros destacan a pesca do marraxo e a quenlla, así como a posibilidade de que algunhas embarcacións pasen ó censo de artes menores.

Os mariñeiros muxiáns afirman que seguirán a loitar pola pesca do peixe espada. De feito, enviaron xa un fax ó Ministerio de Agricultura e Pesca para pedir unha reunión. As últimas noticias das que dispón o pósito falan de que a cota de peixe espada que solicitan foi xa adxudicada para pesca deportiva e capturas accidentais.

NA COSTA DA MORTE HAI MOITO QUE VER!!!

Lugares	Natureza	Lecer	Contos	Pousada	Economía

Feito da man de Abertal Información : costadamorte@finisterrae.com