Un ano máis, e demostrando unha grande eficiencia e esforzo, a Asociación Cultural Monte Branco de O Couto, volvenos a ofrecer unha nova edición do Simposio Pondaliano.

Durante o mes de outubro, poderemos disfrutar de unha serie de ponencias adicadas a darnos a coñecer mellor a vida e obra do noso bardo, así como a situación social e sociolóxica na que se sitúa. Como cada ano, o nivel dos ponentes é altísimo, e prevense uns resultados máis que satisfactorios para todos os asistentes.

Tendo en conta que esta actividade está homologada como trinta horas de formación pola Xunta de Galicia, é aínda maior o aliciente para que vostede se achegue ás terras de Bergantiños desde calquera parte de Galicia.

Acompañan ás ponencias, interesantes concertos de Roi Casal e Cantaruxas, un recital poético do ilustre Manuel María, e incluso un Percorrido Pondaliano pola cidade de A Coruña, acompañados por Felipe Senén e Manuel Ferreiro (Real Academia Galega, Arquivo do Reino de Galicia, Academia de Belas Artes e Cidade Vella).

O Título do Simposio do ano 2000 leva por título "A LITERATURA DO REXURDIMENTO", e por eso se escoitará falar de Curros e de Labarta, e outras moitas cousas interesantes do século pasado.

Como pode ver, na nosa zona, sempre lle podemos sorprender con actos tan importantes como este, por eso non deb de deixar de visitarnos tamén no inverno, cando a actividade cultural florece por todos os currunchos da Costa da Morte.