Información ofrecida por Radio Nordés-Cadena Ser.

Membros do grupo ecoloxista PX da Ponte do Porto, veñen de dar a coñecer a existencia dun exemplar de 'caramiña' atopado no paradisíaco lugar de Soesto, no termo municipal de Laxe.

Segundo parece esta pranta xigante ocupa unha superficie de setenta e seis metros cadrados e segundo a debandita asociación é o maior exemplar coñecido desta especie no mundo. Segundo as medidas efectuadas por unha equipa formada por licenciados e expertos, esta 'caramiña' ten unhas dimensións de sete con noventa metros de ancho por nove con setenta de longo nun único exemplar o que da unha superficie en pranta de setenta e seis metros cadrados. Destes, uns sesenta metros cadrados son de superficie vexetal que aflora á superficie, ou pranta propiamente dita, sen contar, declaran os ecoloxistas, o seu cepellón ou raíz.

A altura da mata na súa parte máis alta é de un metro vinte centímetros, gañando algo máis en media alzada polas carecterísticas dunha mata en pendente. Esta especie é do tipo do arbusto, e produce un froito moi apreciado, co que noutros tempos foron eleborados diferentes productos como licores ou marmeladas.

A camariña é a pranta que segundo os estudosos da nome á vila de Camariñas, emprazamento xeográfico onde esta especie ten o seu casi último reducto. Noutro tempo foi habitual vela en todo o sul de Europa, aínda que coma tantas outras especies atópase na actualidade en perigro de extinción.

NA COSTA DA MORTE HAI MOITO QUE VER!!!

Lugares	Natureza	Lecer	Contos	Pousada	Economía

Feito da man de Abertal Información : costadamorte@finisterrae.com