XA ESTA TODO PREPARADO PARA SEMANA SANTA .
Os actos máis importantes serán a representación en Fisterra e a Mostra do Encaixe en Camariñas, que contará coa primicia da presentación da tenda electrónica de Encaixes Pilar .

Información ofrecida por Radio Nordés-Cadena Ser

Non cabe dubida ningunha de que nestas datas a Costa da Morte é un destino turístico xa consagrado, así o din os cheos cos que contan todos os establecementos turísticos da zona.

Ademáis do encanto natural e etnográfico co que conta a Costa da Morte, nestas datas de semana santa contamos con estes dous valores engadidos, que son a representación da Pasión no impresionante espacio natural de Fisterra, e a X Mostra do Encaixe de Camariñas, evento que mobiliza a persoas de todo o mundo e representa unha das citas máis importantes da programación de todo o ano na Costa da Morte.

Este ano haberá 23 stands de palilleiras e asociacións, 10 de artesanía en xeral, 15 de artesáns extranxeiros e outros 17 máis de temas diversos. Como poden comprobar, todo un evento, que ademáis promove un concurso de deseñadores xoves, unha bandeira de Bateis, e diversas actividades culturais máis para nenos e maiores.

Destacan igualmente os desfiles de importantes deseñadores que lle dan un toque de distinción a todas as aplicacións que o encaixe pode ter.

Na presente Mostra do Encaixe haberá unha importante sorpresa de cara á venda do encaixe na rede, e non é outra que a adquisición da 'Tenda do Encaixe en Internet' por Encaixes Pilar, unha iniciativa que leva a esta tenda de encaixe a facerse coa xestión do que foi a primeira tenda de artesanía galega na rede. Desde ela pódense mercar desde picados ata mantelerías, pasando por fio ou a almofada que calquera aficionado necesita para escomezar a practicar este traballo que en algúns casos é recomendado como técnica de relaxación.