|
DA GALICIA DE MAELOC
Ó CONFIN DOS VERDES CASTROS.
Como xa anunciábamos a semana
pasada, o grupo de folc galego por excelencia, Milladoiro,
presentará mañá no Teatro
Colón da Coruña o seu novo disco, inspirado en Cabana
de Bergantiños.
Manuel L. Pan
Carballo
 Desde
aquel A
Galicia de Maeloc, primeiro disco do grupo alá polo
1979, cheganos agora O Confín dos Verdes Castros,
descriptivo verso do bardo Pondal,
que da título a este novo traballo.
Este novo disco será acompañado
por unha guía da zona, creada polo filólogo malpicán
Xosé Manuel Varela.
Milladoiro
realizará unha gira internacional para presentar este traballo,
e despois de que sexa presentado o día 26, terán oportunidade
de escoitalo en directo en New York,
Otawa, Estocolmo
ou Vilnius, así
como en outras moitas cidades tamén cerca de nós.
Este traballo inspirado nesta fermosa zona, conta
con pezas do lembrado cura Don Saturnino Cuiñas entre outras cousas
culpable de que se manteña a tradición do Berro
Seco, feito ó que Milladoiro puxo o nome a un dos seus discos.
Conformase así Cabana como unha
das zonas con máis actividade de toda a Costa
da Morte, e iso que non son poucos os actos que se pode atopar vostede
si se acerca á Costa da Morte, e se non vexa un exemplo do que poderá
facer pola nosa zona nestas datas...
* O Arao Castelao, percorrerá
Camariñas contando contos,
dentro dunha campaña de animación á lectura.
* Un tren turístico percorrerá
o Concello de Cabana.
* Ata pode vostede parcipar nun
taller de pintura naif, a cargo de Ana María Vargas, na Casa-Escola
de Borneiro.
* En Camariñas celébrase
un encontro de teatro entre o día 27 e 31.
* O día 1 sae de Fisterra
unha peregrinación do Camiño
de Santiago a Fisterra, pero ó revés, organizada pola
Asociación Cultural o Adro de Baio.
* Visitas guiadas ó Castro
de Borneiro polo arqueólogo Xoanma Pérez Lijó, a partires
do Xoves de Semana Santa.
* O bar Brebaxe de Malpica,
ofrecenos acuarelas do recoñecido artista local Chucho.
* O instituto Agra de Raices de
Cee, organiza a súa primeira semana
cultural, con exposicións, conferencias, concertos, contacontos,
teatro...
* En Cabana actuará o exitoso
grupo Atalora, tamén Raigañas de Malpica, os grupos de teatro
Os Quinquilláns e Pífano, así como o mago Teto.
* E como non, as festas gastronómicas,
o 2 de abril a III Festa do Gongro
en Muxía, e o día 3 a Festa
da Angula
en Ponteceso.
* E tamén a Mostra do Encaixe
de Camariñas, con moitos actos
Buff, ainda me quedan alguns actos, pero xa está
ben, acérquese por aquí nesta ponte da Semana Santa, e terá
oportunidade de ver moito máis.
Ah, que se olvidaba a Semana Santa de Fisterra,
non deixe de asistir a este espectáculo, que ten como centro o cristo
da (negra) barba dourada.
Entre para ver as novas anteriores
visite os nosos anunciantes
|
|
Inaugurase o conxunto etnográfico
do Forno Novo.
Vense de dar un novo paso para
o despege definitivo de Buño como un pobo alfareiro moderno e rendible.
Despois de que xa vai a facer un ano da presentación da nova imaxe
da Olería de Buño, esperamos
que este futuro ecomuseo faga que todo Buño
sexa recoñecido como se merece.
|
|
A Anduriña mensaxeira
xa está voando.
A curiosa iniciativa
da Asociación Supramunicipal Neria, xestora dun plan Leader II da
UE, consistente en fletar un barco con forma de botella, xa está
dando a volta á peninsula (no remolque dun flamante todoterreo),
e promocionando a Costa da Morte.
|
|
Decidida a 2ª Rexional,
o interés está na 3ª da Liga da Costa.
Como xa decíamos, celebración
por todo o alto en Santa Comba, onde
incluso o presidente foi duchado a altas horas da madrugada nun festa improvisada.
Partido crucial o Cabana
- Montelouro desta xornada, os primeiros
poden gañar o título e os segundos teñen moitas posibilidades
de descender se perden.
|
|
Como
asistir ó congreso de semiótica.
Xa
está activa a sección de información
Aquí
pode gañar unha viradeira.
- Nº 72
