Radio Nordes-cadena ser, cumpre un ano...
Radio Nordés-cadena SER, esta de aniversario. Un primeiro ano no que pasaron moitas cousas...

Información ofrecida por Radio Nordés-Cadena Ser

Neste ano ocorreron moitas cousas, sobre todo para os que traballamos nesta emisora, que coñecemos cada dia o devir da bisbarra en todalas frontes, dende a información o deporte pasando pola actividade, as festas ou a política, protagonista principal das nosas primeiras horas de emision, por atoparnos coma lembraran no desenvolvemento dos comicios municipais.

De tódolos xeitos o primeiro invitado desta casa non foi un político, senon un escritor. O literato Vimiancés Manuel Rivas, quixo nesa primeira entrevista, primar o feito de esta emisora emita a sua programacion integramente en galego.

Tamén quixo facer unha primeira valoración, casi premonitoria, do que para el ía ser a traxectoria desta emisora, e a súa importancia no contexto social da bisbarra, ademáis da súa utilidade coma dinamizador cultural na Costa da Morte.

Pepe Formoso, Director de Radio Nordés, quixo lembrar algo desta curta historia, deste ano de traballo, de dedicación a unha única causa, mantelos a todos ó tanto do que sucede na nosa terra, comentando por exemplo o dificil dos inicios, ou o importante da cobertura prestada os comicios municipais, unha cobertura pioneira na bisbarra. Non rematarán aquí as celebracións, xa que Radio Nordés prevé realizar varios programas exteriores nos vindeiros dias, dentro da celebración deste cumpreanos.

O aniversario da emisora terá coma colofón a celebración o vindeiro xullo da gala do deporte, onde se pretende premiar o traballo neste senso, de clubes, asociacións, e entidaes en todas as disciplinas deportivas.