Non cabe dubida de que na Costa da Morte temos un dos centros da cultura a nivel de todo o pais, e que desde logo ten un enorme mérito, xa que desde unha aldea de pouco máis de vinte casas, os seus veciños son capaces de facer de O Couto a referencia nestas datas. Desde o 7 ata o 17 de maio, a Asociación Monte Blanco é capaz de animar á xente da Costa da Morte, e facelos coñecedores do que está a ocorrer no eido da cultura, desde os Roteiros Pondalianos, pasando por achegar a recoñecidos escritores como Fina Casalderey, Xelucho Abella, Xosé Luis Otero Cebral ou Xosé Manuel Varela os rapaces do colexios. Tamén teñen tempo para editar a sua revista Terra Bárdica, ou montar a casa da artesanía, crear aulas da arte, facer homenaxes a Pondal e á propia Fina Casalderey; e como non, música, pasaremos todos polo Festival Folc, a disfrutar con Bagoa da Raiña, Atalora e as xeniales pandereteiras Raigañas de Cerqueda. Como lles decía, hai actos en toda a Costa da Morte e en toda Galicia, pero de seguro que non podemos deixar de pasar polo Couto, en Ponteceso.

Outro dos puntos fortes destas letras, será Carballo, xa que coincide coa celebración da Feria do Libro, esperanse celebrar varios actos paralelos, empezando pola presentación da guía No Confín dos Verdes Castros de Xosé Manuel Varela, tamén se celebrará a presentación de A Ermida do Diaño de Xelucho Abella, ou a nova novela de Asunción Antelo As Penurias dun Amor. Haberá tamén obradoiros de arte e encuadernación, celebraráse o III Rexoubeo Poético e o XIX Concurso Infantil de Pintura, estes últimos organizados pola A. C. Lumieira. E como non, o Concello organiza Dez Horas Lendo, un maraton de lectura, no que a xente, expontaneamente le ós autores ós que se lle veñen adicando as letras nestes anos. Dentro da feira do libro, haberá sorteos de libros todos os días.

Tamén en Malpica, moitas actividades, musica, libros, teatro: en Vimianzo, poderemos asistir ó teatro do grupo Badius de Baio, os obradoiros de cerámica ou participar nos concursos de contos en galego; en Laxe estará intalado Divertilandia, moitivimos divertimentos para os máis novos; en Cee podemos asistir as multiples actividades da semana da letras. E en todos os concellos da Costa da Morte en definitiva, poderá asistir a actos todos eles interesantes, adicados a dar a coñecer a nosa cultura, que hai moito que amosar, tamén durante todo o ano.

Si non é este ano, si para anos vindeiros, teña en conta que na Costa da Morte (tamén en maio)...

...HAI MOITO QUE VER.

Lugares	Natureza	Lecer	Contos	Pousada	Economía

Feito da man de Abertal Información : costadamorte@finisterrae.com